بریگہم ینگ یونیورسٹی میڈیکل اسکول کو منظوری مل گئی؛ جولائی 2027 میں آغاز ہوگا۔
بریگھم ینگ یونیورسٹی نے اعلان کیا ہے کہ اس کے نئے میڈیکل اسکول کو باضابطہ منظوری مل گئی ہے،
اور اب اسے طلبہ کے پہلے بیچ کے لیے داخلوں کا عمل شروع کرنے اور جولائی
2027
سے ڈاکٹر آف میڈیسن پروگرام کا آغاز کرنے کی اجازت حاصل ہو گئی ہے۔
بریگہم ینگ یونیورسٹی کے صدر سی۔ شین ریس نے اس بات کا اعلان بدھ، 14 اکتوبر کو میڈیکل اسکول کے پہلے
ڈیپارٹمنٹ ڈین، ڈاکٹر مارک جے۔ اوٹ کے ہمراہ اساتذہ و عملے کے سامنے اور بی وائی یو کے یوٹیوب چینل پر لائیو ویڈیو کے ذریعے کیا۔
صدر ریس نے کہا
"مجھے ڈین اوٹ — جنہوں نے اس مقام تک پہنچنے کے لیے ان تھک محنت کی ہے —
کے ساتھ یہ اعلان کرتے ہوئے بے حد خوشی ہو رہی ہے کہ بی وائی یو اسکول آف میڈیسن نے ابتدائی منظوری حاصل کر لی ہے۔
انہوں نے اسے "بریگہم ینگ یونیورسٹی کے لیے ایک تاریخی دن” قرار دیا اور اس منزل کو ممکن بنانے والے تمام افراد کا شکریہ ادا کیا۔
یہ میڈیکل اسکول جس کا اعلان جولائی 2024 میں ‘فرسٹ پریذیڈنسی’ کے ذریعے کیا گیا تھا — پرووو، یوٹاہ
میں یونیورسٹی کی مغربی سمت، پرانے پرووو ہائی اسکول کی جگہ پر، انٹر ماؤنٹین ہیلتھ کے یوٹاہ ویلی ہسپتال کے قریب تعمیر کیا جا رہا ہے۔
بدھ کے روز براہِ راست نشریات کے دوران صدر ریز نے نئی عمارت کے تعمیراتی ڈیزائن کی پہلی جھلک بھی پیش کی۔
ڈاکٹر اوٹ نے بتایا کہ اس عمارت کا طرزِ تعمیر پرووو سٹی لائبریری اور پرووو سٹی سینٹر ہیکل سے ملتا جلتا ہوگا۔
فی الحال توقع کی جا رہی ہے کہ اس نئی عمارت کا کل رقبہ تقریباً
275,000 مربع فٹ
ہوگا، جو حال ہی میں افتتاح ہونے والی بی وائی یو آرٹس بلڈنگ کے رقبے کے تقریباً برابر ہے۔
ڈاکٹر اوٹ نے کہا:
"اس عمارت میں جدید تعلیم کی وہ تمام سہولیات موجود ہوں گی جن کی آپ توقع کر سکتے ہیں،
تاکہ طب کی تعلیم کا ایک نہایت جدید اور اعلیٰ معیار کا تجربہ فراہم کیا جا سکے۔”
انہوں نے اس عمارت کو علم حاصل کرنے کا ایک خاص مقدس مقام بھی قرار دیا۔
صدر ریز نے کہا کہ یہ عمارت بی وائی یو کیمپس کا ایک اہم مرکزی حصہ ہوگی،
اور اس کی تعلیمات کا مرکز یسوع مسیح ہوں گے۔
صدر ریز نے کہا
"بنیادی طور پر، بریگھم ینگ یونیورسٹی کا اسکول آف میڈیسن یسوع مسیح کی تعلیمات اور اُن کے نمونے پر قائم کیا گیا ہے۔
اس کا مقصد مستقبل کے ڈاکٹروں کو ایسی تعلیم فراہم کرنا ہے جو روحانی بنیادوں پر استوار ہو اور سائنسی اعتبار سے
اعلیٰ اور سخت تعلیمی معیار کی حامل ہو، تاکہ وہ آگے بڑھ کر خدا کے فرزندوں کی خدمت کر سکیں۔
ڈاکٹر اوٹ نے بتایا کہ بی وائی یو آئندہ چند ہفتوں میں داخلے کے خواہش مند طلبہ سے درخواستیں وصول کرنا شروع کر دے گی۔
چونکہ میڈیکل اسکول کو حال ہی میں منظوری ملی ہے، اس لیے یونیورسٹی کو کچھ نظاموں، جیسے کہ
امریکن میڈیکل کالج ایپلیکیشن سروس
کے اپ ڈیٹ ہونے کا انتظار کرنا ہوگا، تاکہ طلبہ اس پورٹل کے ذریعے اپنی درخواستیں جمع کروا سکیں۔
اس دوران، جو طلبہ اس میڈیکل اسکول میں داخلہ لینے میں دلچسپی رکھتے ہیں، وہ
پر جا کر داخلے کی شرائط، ضروریات اور اہلیت کے بارے میں مزید معلومات حاصل کر سکتے ہیں۔
بریگھم ینگ یونیورسٹی کے میڈیکل اسکول کے بارے میں مزید معلومات
جولائی 2024 کے اپنے اعلان میں، صدارت اول نے وضاحت کی کہ یہ میڈیکل اسکول ایک "اعلیٰ معیار کا،
روحانی بنیادوں پر مبنی پروگرام فراہم کرے گا جو بی وائی یو اور چرچ کے مقصد اور مشن کو مزید تقویت دے گا۔”
یہ میڈیکل اسکول کلیسیا کے لیے خصوصی اہمیت کے حامل شعبوں میں تعلیم، تربیت اور تحقیق پر توجہ مرکوز کرے گا،
جن میں بین الاقوامی صحت کے مسائل اور دنیا بھر میں کلیسیا کی انسانی ہمدردی کی بنیاد پر کی جانے والی امدادی کوششیں شامل ہیں۔
ستمبر 2024 کو، صدر ریس
نے ‘بی وائی یو نیوز’ پر شائع ہونے والے ایک خط میں ذکر کیا کہ نیا میڈیکل اسکول ‘ڈاکٹر آف میڈیسن
کی ڈگریاں پیش کرے گا۔
انہوں نے یہ بھی وضاحت کی کہ نئی عمارت میں میڈیکل اسکول کی کلاس روم تدریس اور
انتظامی ضروریات کو پورا کیا جائے گا،
جبکہ کلینیکل تربیت (عملی طبی تربیت) اسکول سے باہر مختلف ہسپتالوں میں ہوگی۔
یسوع مسیح نے بیماروں کو شفا بخشی اور ضرورت مندوں کی خدمت کی۔ یسوع مسیح کے شاگرد ہونے کے ناطے،
ہم ایمان رکھتے ہیں کہ بی وائی یو کا میڈیکل اسکول خدا کے فرزندوں کی مدد کرنے
اور اُن کی زندگیوں کو بہتر بنانے کا ایک اور ذریعہ ہے۔
ڈاکٹر اوٹ نے اپریل 2025 میں بی وائی یو میں منعقدہ ایک کانفرنس کے دوران میڈیکل اسکول کے مقاصد کے بارے میں بات کی۔
انہوں نے بتایا کہ طبی سائنس اور تحقیق ان پانچ بنیادی ڈیزائن عناصر
میں شامل ہیں جنہیں ‘فرسٹ پریذیڈنسی’ نے مقرر کیا ہے، اور بی وائی یو طبی سائنس اور ایمان (عقیدے)
کو ایک ساتھ جوڑنے کے اپنے منفرد انداز کو برقرار رکھنے کا ارادہ رکھتا ہے۔
- روحانی بنیادوں پر مبنی اور مخصوص مقصد پر مرکوز ہونا۔
- تدریس اور تحقیق پر خصوصی توجه دینا۔
- طبی تربیت کی مدت کو کم کرنے کے لیے ایک مربوط بیچلرز/میڈیکل ڈگری پیش کرنا۔
- بین الاقوامی سطح پر رسائی، داخلے، اور چرچ کی انسانی ہمدردی کی کوششوں کے ساتھ ہم آہنگی شامل کرنا۔
ڈاکٹر اوٹ نے کہا:
"یہ وہ بنیادی اصول ہیں جو ہمیں خدا کے نبی اور خود خداوند کی طرف سے عطا کیے گئے ہیں۔”
مئی 2025 میں، اوٹ نے اس بات کا بھی یقین دلایا کہ ” کلیسیا یسوع مسیح برائے مقدسین نے اخری ایام کی ‘
صدارت اول’ کے پیش کردہ ویژن کی ہدایت کے تحت بہت سے پرعزم افراد اس کام کو تیزی سے آگے بڑھا رہے ہیں۔”
