آج کے دور میں ہمیں نبی کی ضرورت کیوں ہے؟

کلیسیائے یسوع مسیح برائے مقدسین آخری آیام کے اراکین اس بات پر ایمان رکھتے ہیں

کہ خدا اج بھی اپنے نبیوں کو چنتا ہے جیسے ان کی ضرورت بائبل کے زمانے میں تھی،

ویسے ہی آج بھی ان کی ضرورت ہے۔

بائبل عاموس 3:7 میں سکھاتی ہے۔

 یقینا خُداوند خُدا کچھ نہیں کرتا جب تک کہ اپنا بھید اپنے خدمت گُزار نبیوں پر پہلے آشکارانہ کرے

نبی کیا ہوتا ہے؟

نبی وہ شخص ہے جسے خُدا اپنی طرف سے بولنے کے لیے بلاتا ہے۔

خُداوند

کے رسول کے طور پر، نبی خُدا کی طرف سے احکامات،

پیشین گوئیاں اور الہام وصول کرتا ہے۔

نبی کی ذمہ داری ہے کہ وہ بنی نوع انسان کے سامنے خُدا کی مرضی اور حقیقی فطرت کو ظاہر کرے

اور انسانوں کے ساتھ اس کے طریقوں کے معنی واضح کرے۔

نبی گناہ کی مذمت کرتا ہے

 اور اُس کے نتائج کی پیشگوئی بھی کرتا ہے۔وہ راستبازی کی منادی کرنے والا ہوتا ہے۔

بعض اوقات نبی انسانیت کی بھلائی کے لیے آنے والے واقعات کی پیشگوئی کرنے کے لیے الہام پاتا ہے،

لیکن اُس کی بنیادی ذمہ داری یسوع مسیح کی گواہی دینا ہے۔

اس مختصر وضاحت سے ہم سمجھ سکتے ہیں کہ نبی وہ شخص ہے جسے خُدا اپنے کام کے لیے بلاتا ہے۔

خُدا ہر زمانے میں نبیوں کو بلاتا رہا ہے،

اور زمین پر ہمیشہ ایک زندہ نبی موجود ہوتا ہے

سوائے اُن مخصوص ادوار کے، جن کی وضاحت ہم اس مضمون کے اگلے حصے میں کریں گے۔

زندہ نبی

آج کلیسیائے یسوع مسیح برائے مقدسین آخری آیام کے اراکین ،

صدر ڈالِن ایچ.

اوکس پر ایمان رکھتے ہیں اور اُن کی تائید کرتے ہیں۔

وہ نبی، رویا بین ، اور مکاشوہبین کے طور پر تسلیم کیے جاتے ہیں۔

جیسے قدیم زمانوں میں نبی کلیسیا کی رہنمائی کے لیے ضروری تھے،

ویسے ہی آج بھی وہ یسوع مسیح کی کلیسیا کی رہنمائی میں بنیادی حیثیت رکھتے ہیں۔

اپنے پہلے بیان میں نبی کے طور پر

صدر اوکس

نے گہری عاجزی اور خُداوند کے لیے خلوص کا اظہار کیا۔ اُنہوں نے فرمایا

“میں اُس ذمہ داری کو عاجزی کے ساتھ قبول کرتا ہوں جو خُدا نے مجھے دی ہے

اور اپنے دل و جان کو اُس خدمت کے لیے وقف کرتا ہوں جس کے لیے مجھے بلایا گیا ہے۔

یہ سادہ مگر پُرمعنی بیان خُداوند کے ایک خادم کے اُس عزم کو ظاہر کرتا ہے

جو ہر کام میں نجات دہندہ کی پیروی اور نمائندگی کرنا چاہتا ہے۔

عظیم برگشتگی اور بحالی

کلیسیائے یسوع مسیح برائے مقدسین آخری آیام کے اراکین کا عقیدہ ہے کہ ایک دور ایسا آیا جب زمین روحانی زوال کا شکار ہوئی

یہ تاریکی کا دور تھا

جسے عظیم برگشتگی  کہا جاتا ہے۔

اس وقت لوگ اُس راستے سے ہٹ گئے جو خُدا کو پسند تھا،

چنانچہ اُس نے اپنی کہانت، مکاشفہ کی روح کو واپس لے لیا

— اور نبی زمین پر موجود نہیں رہے۔

انجیل کی بحالی کے ساتھ

خُداوند نے ایک بار پھر زمین پر نبیوں کو بھیجا، اور وہ آج بھی ایسا کرتا ہے۔ جیسا کہ مقدس نوشتہ میں لکھا ہے،

“خُدا نے کلیسیا میں نبیوں کو مقرر کیا”

(1 کرنتھیوں 12:28)، اور ایسا ہونا ضروری ہے: کلیسیا کی بنیاد رسولوں اور نبیوں پر رکھی گئی ہے

(افسیوں 2:19-20)۔

اِن تمام باتوں کو ذہن میں رکھتے ہوئے، آپ پوچھ سکتے ہیں:

 آج ہمیں نبی کی ضرورت کیوں ہے؟

جب ہمیں شک اور خوف ہوتا ہے، نبی اُس وقت بھی جانتے ہیں کہ ہمارے لیے کیا بہتر ہے۔ ایک مثال طب کی لیجیے:

کون سا علاج زیادہ محفوظ ہے — وہ جو شاید کام کرے یا وہ جو یقیناً شفا بخش ہو؟

ظاہر ہے، بہتر انتخاب وہی ہے جس پر اعتماد کیا جا سکے اور جو حقیقی سکون و شفا لاتا ہے۔
اسی طرح

نبیوں کی نصیحت پر عمل کرنا ہمیں درد، غلطیوں اور غیر یقینی حالات سے بچاتا ہے۔

وہ ہمیں سب سے محفوظ راستہ دکھاتے ہیں — وہ راستہ جو ہمیں مسیح کے قریب لاتا ہے

اور حقیقی سکون و خوشی عطا کرتا ہے۔
وہ ہمارے لیے خُداوند کی آواز ہیں

نبیوں کی تعلیمات اُن کے اپنے خیالات نہیں ہوتیں۔ وہ وہی سکھاتے ہیں

جو خُداوند اُنہیں سکھانے کے لیے فرماتا ہے!
“چاہے میری اپنی آواز سے ہو یا میرے خادموں کی آواز سے، ایک ہی بات ہے” (عقائد و عہود 1:38)۔
کیا یہ حیرت انگیز نہیں؟

یہ ایسے ہے جیسے خُداوند خود ہم سے بات کر رہا ہو!

جیسے اُس نے اسرائیل کو نبیوں کے وسیلے سے نصیحت کی،

وہ آج بھی ایسا ہی کر رہا ہے (۲ سلاطین 17:13)۔
کتنی بڑی نعمت اور اعزاز کی بات ہے!
ہم گمراہ نہیں ہوں گے
“اگر تم تیار ہو تو تمہیں خوف نہیں ہوگا۔” (عقائد و عہود 38:30)
دنیا زیادہ سے زیادہ گمراہی اور بھٹکنے کے راستوں پر چلتی دکھائی دے رہی ہے۔ ہم ایسے زمانے میں جی رہے ہیں جہاں

“دنیا میں رہنا مگر دنیا کے نہ ہونا”

ایک مستقل چیلنج بن گیا ہے۔
جن کے پاس مسیح کی روشنی ہے وہ دوسروں سے مختلف چمکتے ہیں
دنیا کی وقتی چمک سے نہیں، بلکہ اُس روشنی سے جو اُن کے اندر سے آتی ہے۔
یہی روشنی اُن کے انتخاب

رویے اور کردار میں ظاہر ہوتی ہے۔
اور یہی وہ روشنی ہے جسے ہمیں ہر دن سنبھالنا اور مضبوط کرنا چاہیے۔
اس سفر میں آپ اکیلے نہیں ہیں
خُداوند نے ہمیں رہنمائی کے لیے زندہ نبی عطا کیے ہیں۔

جیسا کہ ہم ڈاکٹرائن اینڈ کونینٹس 38:30 میں سیکھتے ہیں

اگر ہم تیار رہیں اور اُن کی تعلیمات پر عمل کریں، تو ہمیں خوف کی ضرورت نہیں

— اور ہم کبھی راستہ نہیں بھولیں گے۔
وقت قریب آ رہا ہے

اور یسوع مسیح کی پیروی کرنا دن بدن زیادہ چیلنجنگ ہو سکتا ہے۔

لیکن ہمارے پاس ایک یقینی رہنما ہے

— خُدا کا نبی، جو ہمارے زمانے کے لیے بلایا گیا ہے۔
کتنی بڑی نعمت اور عزت کی بات ہے کہ ہم یہ کہہ سکتے ہیں:
“اے خُدا

ہم تیرے نبی کے لیے تیرا شکر ادا کرتے ہیں!

وہ جانتے ہیں کہ ہمارے لیے کیا بہتر ہے