کیا آپ نے کبھی کسی چیز کے حصول یا کسی شخص کے لیے نہایت خلوص اور دل سے روزہ رکھا ہو،

لیکن پھر بھی آپ کو وہ نتیجہ حاصل نہ ہوا ہو جس کی آپ امید کر رہے تھے؟

اگر ایسا ہوا ہے، تو شاید آپ نے خود سے پوچھا ہو، "اس کا کیا فائدہ؟ جب کوئی فرق ہی نہیں پڑتا تو روزہ  کیوں رکھا جائے؟

ایک معجزے کے لیے روزہ رکھنا

جب ٹیمی کئی سال پہلے سیمنری میں پڑھا رہی تھیں، تو ان کی ایک طالبہ، میڈلین ہیلز، اچانک ایک شدید بیماری میں مبتلا ہو گئی۔

ٹیمی بتاتی ہیں، وہ بہت سے طلبہ کی کی تدلِ عزیز تھی۔ وہ ایک حد سے زیادہ پیاری لڑکی تھی۔”

شدید فکر مند ہو کر، میڈلین کے دوستوں نے چرچ کے ان تمام ارکان کے لیے پورے اسکول کی سطح پر روزے کا اہتمام کیا جو اس میں حصہ لینا چاہتے تھے،

اور اس میں شرکت کرنے والوں کی تعداد حیران کن تھی۔

ٹیمی کہتی ہیں، "میں اس روزے میں اس لیے شامل ہوئی کیونکہ وہ میری طالبہ تھی۔

دن بھر بہت سے طلبہ محض بات کرنے اور ایک ایسی جگہ پانے کے لیے سیمنری کی عمارت میں آتے رہے

جہاں وہ خود کو محفوظ محسوس کر سکیں۔ … مجھے اس بات پر حیرت ہوئی کہ کتنے طلبہ نے روزہ رکھا تھا۔ …

یہ بچے اس بات پر بضد تھے کہ وہ پورا 24 گھنٹے کا روزہ رکھیں گے … تاکہ یہ پیاری سی چھوٹی لڑکی زندہ رہ سکے۔”

لیکن روزے کے اختتام کے قریب، ٹیمی کو ہسپتال سے میڈلین کے والد کی فون کال موصول ہوئی، جنہوں نے انہیں بتایا کہ میڈلین کا انتقال ہو گیا ہے۔

ٹیمی یاد کرتے ہوئے بتاتی ہیں، "مجھے یاد ہے کہ میں نے فون رکھتے ہوئے شدید دکھ محسوس کیا اور تھوڑا غصہ بھی آیا،

جیسے کہ ‘اے آسمانی باپ، یہ اس صدی کا سب سے بڑا معجزاتی روزہ ہو سکتا تھا۔ یہ وہ چیز بن سکتی تھی

جو ہر اس نوجوان کے ایمان کو بحال کر دیتی جس نے اس روزے کے لیے وقت نکالا تھا’۔

ٹیمی کے لیے یہ صورتِ حال خاص طور پر مشکل اور جذباتی کشمکش کا باعث تھی،

کیونکہ میڈلین کے والد نے ان سے درخواست کی تھی کہ وہ میڈلین کی آخری رسومات میں خطاب کریں،

لیکن ٹیمی کو بالکل سمجھ نہیں آ رہا تھا کہ وہ کیا کہیں گی۔

وہ اُن تمام نوجوانوں کی طرف سے بھی دکھی اور پریشان تھیں جنہوں نے میڈلین کی صحت یابی کے لیے دل سے دعائیں کی تھیں۔

تاہم، ٹیمی نے آخری رسومات میں خطاب کرنے کی درخواست قبول کر لی اور اس کی تیاری کے لیے انہوں نے ایک بار پھر روزہ رکھا اور دعا کی۔

حقیقی روزے کی برکات

جب ٹیمی اپنے خطاب کی تیاری کر رہی تھیں، ٹیمی نے یسعیاہ کے باب 58 کا مطالعہ کیا،

یہ باب اُن خوبصورت برکات کا ذکر کرتا ہے جو حقیقی اور خلوصِ دل سے رکھے گئے روزے کے نتیجے میں حاصل ہوتی ہیں۔

  یسعیاہ 58:8–9

 کا اُن کا ترجمہ کچھ یوں ہے

تب تیری روشنی صبح کی منند پھوٹ نکلے گی اور تیری صحت کی ترقی جلد ظاہر ہو گی۔تیری صداقت تیری ہر آول ہوگی اور خداوند کا جلال تیرا چنڈاول ہو گا۔

تب تو پکارے گااور خداوند جواب دے گا۔تو چلائے گا اور فرمائے گا میں یہاں ہوں ۔اگر تو جوئے کو اور انگلوں سے شارہ کرنے کو اور ہر زہ گوئی کو اپنے درمیان سے دور کرے گا۔

ڈاکٹر پیری صحت اور شفا کی برکت پر روشنی ڈالتے ہوئے کہتے ہیں:

آپ شاید یہ سوال کریں، ‘کیا اس سے مراد جسمانی شفا ہے، جب میں بیمار ہوتا ہوں؟’ شاید ہاں، اور شاید نہیں۔

کیونکہ بعض اوقات خداوند ہمیں بیمار ہونے کی اجازت دیتا ہے، اور پھر ہم اس دنیا سے رخصت ہو جاتے ہیں۔

لہٰذا ممکن ہے کہ یہ برکت ایک ابدی برکت ہو، جس کا تعلق دوبارہ جی اُٹھنے سے ہو۔

برکات کی یہ فہرست آیت 12 تک جاری رہتی ہے،

جہاں تاریکی سے حفاظت، خداوند کی مسلسل رہنمائی، اور نسلوں سے ٹوٹے ہوئے خاندانی رشتوں

کو دوبارہ جوڑنے اور بحال کرنے کی قدرت جیسی عظیم برکات کے وعدے کیے گئے ہیں۔

ٹیمی کو یاد ہے کہ میڈلین کی آخری رسومات سے پہلے جب وہ ان آیات کا مطالعہ کر رہی تھیں،

تو انہیں محسوس ہوا کہ میڈلین کو وہ برکت نہیں ملی جس کے لیے سب نے روزہ رکھا تھا۔

لیکن پھر وہ یاد کرتی ہیں کہ روح القدس نے انہیں یہ سکھایا

ہو سکتا ہے کہ میڈلین کو وہ برکت نہ ملی ہو، لیکن ان تمام بچوں میں سے ہر ایک نے، جنہوں نے روزہ رکھا تھا، روزے کی برکات ضرور حاصل کی ہیں۔

اس جسمانی شفایابی پر توجہ مرکوز کرنے کے بجائے جو میڈلین کو نہ مل سکی،

ٹیمی نے ان روحانی برکات کے بارے میں بات کی جو طلبہ نے روزے کے ذریعے محسوس کی تھیں۔ ٹیمی کہتی ہیں،

"میری پوری تقریر معجزہ گنوانے پر مبنی تھی۔ میں نے کہا، ‘میں جانتی ہوں کہ آپ کو وہ نہیں ملا جو آپ چاہتے تھے،

لیکن میں آپ کو یقین دلا سکتی ہوں کہ سالوں بعد، آپ اس لمحے اور اس تجربے کو دیکھیں گے

اور جان لیں گے کہ خدا زندہ ہے اور یہ بھی جان لیں گے کہ معجزات اب بھی ہوتے ہیں۔’

اس لمحے نے میری زندگی ہمیشہ کے لیے بدل دی۔ کیونکہ، جیسا کہ ہم نے بات کی ہے،

بعض اوقات روزے کا قانون آپ کو وہ نہیں دیتا جو آپ چاہتے ہیں، لیکن میرا یہ ایمان ہے

کہ روزے کی برکات آپ کو وہ پسند کرنے میں مدد کریں گی جو آپ کو ملتا ہے۔”

یہ گفتگو یسعیاہ 58 پر ٹیمی اور ڈاکٹر پیرے کی تفصیلی بحث کی صرف ایک جھلک ہے۔

اور اگرچہ سنڈے آن منڈے پوڈکاسٹ عام طور پر سبسکرائبرز کے لیے ہی دستیاب ہوتا ہے،

لیکن ہم ایل ڈی ایس لیونگ کے قارئین کو اس پورے ایپیسوڈ تک بالکل مفت خصوصیات رسائی دے رہے ہیں

SOURCE :

LDSLiving

مزید جاننے کے لیے آپ یہ بھی دیکھ سکتےہیں

.مسیحی روزہ کیوں رکھتے ہیں؟ مقدسین آخری آیام کا نقطہ نظر

روزہ کیا ہے ؟ اور مورمنز روزہ کیوں رکھتے ہیں

SEE ALSO :

The post کیا آپ کو وہ برکت نہیں ملی جس کے لیے آپ نے روزہ رکھا تھا؟ یسعیاہ نبی کے پاس آپ کے لیے ایک پیغام ہے۔ appeared first on morefaith.pk.

آپ کے ساتھ ان واقعات کو بیان کرنا کہ مسیح نے کیسے مجھے مصیبتوں میں تقویت اور اطمینان بخشا بیان کرنا میرے لیے خوش ائین بات ہے

میں ہمیشہ سوچتی تھی کہ اگر خدا ایک ہے تو لوگ مختلف خداؤں کی عبادت کیوں کرتے ہیں؟

مرنے کے بعد ہم کہاں جائیں گے؟ کیا اگلی زندگی میں بھی مجھے یہی والدین ملیں گے؟

جب میں دسویں جماعت میں تھی تو مجھے کمر میں شدید درد کی شکایت ہوئی۔ ڈاکٹروں نے کہا کہ میں

صرف چھ ماہ تک زندہ رہ سکوں گی۔ اُس وقت مجھے اپنی زندگی سے زیادہ اپنے والدین کی فکر تھی،

کیونکہ میں اپنے خاندان کے لیے بیٹے اور بیٹی دونوں کی حیثیت رکھتی تھی۔

پھر ایک دن دوپہر کے وقت میری ملاقات ایلڈرز سے ہوئی، اور وہیں سے میری زندگی بدلنا شروع ہوگئی۔

مجھے اپنے سوالوں کے جواب ملنے لگے۔ اگرچہ اس میں کچھ وقت لگا، لیکن آخرکار میں نے یسوع مسیح کی انجیل کے بارے میں اپنی ذاتی گواہی حاصل کی۔

2004

میں نے مورمن کی کتاب پڑھی اور سمجھا کہ یہی انجیل کی معموری ہے۔  کو میں نے بپتسمہ لیا۔

میری والدہ، جو میری سب سے اچھی دوست تھیں، میرے اس فیصلے سے ناراض تھیں۔ لیکن میں جانتی تھی کہ میں نے صحیح راستے کا انتخاب کیا ہے۔

میری زندگی میں بہت سی آزمائشیں اور مشکلات آئیں، لیکن میں نے بے شمار معجزات اور برکات بھی دیکھیں۔

روح القدس کی نعمت حاصل کرنے کے بعد اچانک میری صحت اتنی بہتر ہوگئی

کہ میں بھول ہی گئی کہ کبھی مجھے کمر میں شدید درد کی شکایت تھی۔ آج تک خدا کے فضل سے مجھے دوبارہ اس مسئلے کا سامنا نہیں کرنا پڑا۔

جی ہاں، میں نے بہت سی آزمائشوں اور مخالفتوں کا سامنا کیا، لیکن میں اس حقیقت سے انکار نہیں کر سکتی کہ خدا کی برکات بھی بے شمار رہی ہیں۔

میں نے ہمیشہ کوشش کی کہ اپنے گھر والوں کے لیے ایک اچھی مثال بنوں۔

پھر میرے والدین دونوں نے بپتسمہ لے لیا۔ میری والدہ انجیل میں مجھ سے بھی زیادہ مضبوط ہوگئیں۔

جب میں آٹھ ماہ کی حاملہ تھی تو میں نے اپنی زندگی کے ایک فرشتے، اپنی پیاری والدہ کو کھو دیا۔

 جنوری 2024 میری زندگی کا سب سے تاریک اور مشکل دن تھا۔

لیکن میں نے خداوند سے کوئی سوال نہیں کیا۔ میں نے صرف اتنا کہا

"پیارے آسمانی باپ، میرا دل ٹوٹ چکا ہے ، میں بہت تھک گئی ہوں۔ براہِ کرم میری مدد فرما۔”

میں شدید افسردگی میں مبتلا ہوگئی تھی، لیکن میرے دل میں کہیں نہ کہیں نجات کے منصوبے کا علم موجود تھا، جس نے مجھے زندگی میں آگے بڑھنے کی ہمت دی۔

اس دردناک واقعے کے چالیس دن بعد میری خوبصورت بیٹی کائرہ کمل چاولہ پیدا ہوئی۔

جب میں نے پہلی بار اسے اپنی بانہوں میں لیا تو میری آنکھوں سے آنسو بہنے لگے۔ میں نے اپنے دل میں کہا کہ مجھے اس خوبصورت شہزادی کے لیے زندہ رہنا ہے۔

مجھے اسے ماں اور نانی دونوں کی محبت دینی ہے۔ اور سب سے اہم بات یہ ہے کہ مجھے اسے یسوع مسیح کی انجیل میں مضبوط بنانا ہے۔

میری والدہ کا خواب تھا کہ وہ میری بیٹی کو پرائمری کی کلاس میں جاتے ہوئے دیکھیں۔

بدقسمتی سے میری والدہ اس دنیا سے رخصت ہوگئیں، لیکن میں جانتی ہوں کہ وہ عالمِ ارواح سے ہمیں دیکھ رہی ہیں اور خوش ہیں کہ ان کی نواسی چرچ اور پرائمری میں شرکت کرتی ہے۔

کام کی وجہ سے ہم چرچ سے بہت دور ایک جگہ منتقل ہوگئے۔ میں اپنی بیٹی کی پرورش زیادہ تر اکیلے کر رہی تھی، لیکن میں نے ہمیشہ اپنے خاندان پر خداوند کا ہاتھ محسوس کیا۔

میرے شوہر چرچ کے رکن نہیں ہیں، لیکن انہوں نے مجھے اپنے سچے خدا کی عبادت کرنے کی مکمل آزادی دی ہے۔

کمل جی بھی چرچ میں شرکت کرتے ہیں۔ مجھے امید ہے کہ ایک دن وہ بھی انجیل کے بارے میں اپنی ذاتی گواہی حاصل کریں گے، کیونکہ گواہی دل سے آنی چاہیے۔

بیٹی کی پیدائش کے بعد میں نے اس کی دیکھ بھال کے لیے اپنی ملازمت چھوڑ دی تھی۔

ایک دن میرے شوہر نے کہا کہ کل ہم ایک انٹرویو میں شرکت کریں گے، چلو باہر چلتے ہیں۔

راستے میں مجھے ایک بین الاقوامی اسکول نظر آیا۔ ہم سڑک پار کرکے آگے بڑھ گئے، لیکن پھر روح نے مجھے تحریک دی کہ واپس جاؤ اور اس اسکول میں انٹرویو دو۔

میں نے اپنے شوہر سے کہا

"چلیں واپس چلتے ہیں، میں اس اسکول میں انٹرویو دینا چاہتی ہوں۔”

ہم واپس گئے۔ وہاں میرے تین مرحلوں میں انٹرویو ہوئے، اور خدا کے فضل سے مجھے ملازمت مل گئی۔

کمل جی نے مجھ سے پوچھا:

"تمہیں کیسے معلوم تھا؟”

میں نے جواب دیا:

"یہی تو یسوع مسیح کی انجیل کی خوبصورتی ہے۔”

جب بھی میں گھر سے کہیں جانے کے لیے نکلتی ہوں تو میں دعا کرتی ہوں اور خداوند سے التجا کرتی ہوں

کہ وہ مجھے روح القدس کی تحریک کو پہچاننے اور اس کی پیروی کرنے میں مدد دے۔

اگلے ہی دن مجھے ملازمت کا آفر لیٹر مل گیا۔

مجھے اپنی والدہ کی بہت یاد آتی ہے، لیکن میں اس بات سے انکار نہیں کر سکتی کہ خدا کے فضل، رحم اور محبت نے میرے دل کو بہت شفا بخشی ہے۔

میں پہلے سے زیادہ مضبوط بن گئی ہوں، اگرچہ ابھی زندگی میں بہت آگے جانا باقی ہے۔

مجھے امید ہے کہ ایک دن میں ہیکل میں اپنے خاندان کے ساتھ ہمیشہ کے لیے سربمہر ہو سکوں گی۔

میں جانتی ہوں کہ یسوع مسیح میرے سب سے اچھے دوست اور میرے بڑے بھائی ہیں۔

میں جانتی ہوں کہ مقدس صحائف سچے ہیں۔

جب بھی میں اپنے آسمانی باپ سے بات کرنا چاہتی ہوں تو میں دعا کرتی ہوں، مقدس صحائف کا مطالعہ کرتی ہوں، اور پھر روح القدس میری رہنمائی کرتا ہے۔

میں جانتی ہوں کہ کلیسیائے یسوع مسیح برائے مقدسین آخری ایام پوری زمین پر خداوند کی سچی کلیسیا ہے۔

میری پسندیدہ آیت یہ ہے

"بلکہ تم پہلے اُس کی بادشاہی اور اُس کی راستبازی کی تلاش کرو تو یہ سب چیزیں بھی تم کو مل جائیں گی۔” (متی 6:33)

میں نے اپنی زندگی میں اس صحیفے کو سچ ہوتے ہوئے محسوس کیا اور دیکھا ہے۔

میں جانتی ہوں کہ ہمارا آسمانی باپ زندہ ہے اور ہم میں سے ہر ایک سے محبت کرتا ہے۔

خدا نے ہم میں سے ہر ایک کے لیے ایک شاندار منصوبہ تیار کیا ہے۔

آئیں، ہم خداوند کے مقرر کردہ وقت پر بھروسا رکھیں اور صبر کے ساتھ انتظار کریں۔

یسوع مسیح میرے سب سے اچھے دوست ہیں۔

میں جانتی ہوں کہ ایک دن میں اپنی پیاری والدہ سے دوبارہ ضرور ملوں گی۔

میں یہ سب باتیں یسوع مسیح کے مقدس نام میں کہتی ہوں۔ آمین۔

خدا ہماری مدد کیسے کرتا ہے جب ہم مشکلات میں گھرے ہوتے ہیں؟

جب ہم زندگی کی مشکلات اور آزمائشوں میں گھر جاتے ہیں، تو خدا ہمیں تنہا نہیں چھوڑتا۔ وہ ہماری دعاؤں کو سنتا ہے

روح القدس کے ذریعے ہماری رہنمائی کرتا ہے، ہمیں ہمت اور سکون بخشتا ہے، اور مشکلات کا سامنا کرنے کی طاقت عطا کرتا ہے۔
"میں سب کچھ اُس کی مدد سے کر سکتا ہوں جو مجھے طاقت بخشتا ہے۔” — فلپیوں 4:13
یاد رکھیں، خدا ہمیشہ ہماری مشکلات کو فوراً ختم نہیں کرتا، لیکن وہ ہمیں اُن سے گزرنے کی طاقت ضرور دیتا ہے۔

اگر خدا ہم سے محبت کرتا ہے تو ہماری زندگی میں آزمائشیں کیوں آتی ہیں؟

 آزمائشیں ہماری زمینی زندگی کا حصہ ہیں۔ ان کے ذریعے ہم صبر، ایمان اور خدا پر بھروسا کرنا سیکھ سکتے ہیں اور روحانی طور پر مضبوط بن سکتے ہیں۔

جب ہمیں لگتا ہے کہ خدا ہماری دعاؤں کا جواب نہیں دے رہا تو ہمیں کیا کرنا چاہیے؟

جواب: ہمیں دعا کرتے رہنا چاہیے اور خدا کے مقرر کردہ وقت پر بھروسا رکھنا چاہیے، کیونکہ وہ ہماری ضروریات کو جانتا ہے اور اپنی حکمت کے مطابق ہماری رہنمائی کرتا ہے۔

مزید جاننے کے لیے آپ یہ بھی دیکھ سکتےہیں

کلیسیائے یسوع مسیح برائے مقدسین آخری آیام نے میری زندگی کو کیسے بدلا۔

خدا نے میری زندگی کے سب سے مشکل لمحات میں مجھے کیسے مضبوط کیا؟

SEE ALSO :

The post میں نے یسوع مسیح کو چُنا، یہاں تک کہ جب سب میرے خلاف کھڑے تھے۔ appeared first on morefaith.pk.

صدر ڈیلن ایچ اوکس 4 اکتوبر 2026 کو سالٹ لیک سٹی کے کانفرنس سینٹر میں

کلیسیائے یسوع مسیح برائے مقدسین نے آخری آیام ‘ کی 196 ویں ششماہی جنرل کانفرنس کے اتوار سہ پہر کے اجلاس کے دوران خطاب کر رہے ہیں۔

اکتوبر 2026 کو جنرل کانفرنس کے

اتوار سہ پہر کے اجلاس کے اختتامی کلمات کے دوران، ‘کلیسیائے یسوع مسیح برائے مقدسین نے آخری آیام ‘

کے صدر ڈیلن ایچ اوکس نے دنیا بھر کے لوگوں کو سالٹ لیک ہیکل کی تقریبِ میں ذاتی طور پر  یا (آن لائن) شرکت کی دعوت دی۔

اپنی اس خصوصی دعوت کے دوران، صدر اوکس نے ایک نئی ویڈیو سیریز کا بھی ذکر کیا۔ انہوں نے فرمایا

جنرل کانفرنس کے اس اجلاس کے اختتام کے بعد، ایک شاندار نئی ویڈیو سیریز

Dedicate

کی پہلی قسط دنیا بھر میں مختلف زبانوں میں پیش کی جائے گی۔ آنے والے مہینوں میں اس سلسلے کی

مزید اقساط بھی پیش کی جائیں گی، جن میں سالٹ لیک ہیکل کا ایک ورچوئل ٹور بھی شامل ہوگا۔”

”Dedicate“

ایک ایسی ویڈیو سیریز ہے جس میں برازیل، فرانس، گھانا، جاپان،

میکسیکو، فلپائن اور ریاستہائے متحدہ امریکہ سے تعلق رکھنے والے سات نوجوان بالغوں کے سفر کو پیش کیا گیا ہے۔

اس سیریز میں وہ سالٹ لیک ہیکل کا دورہ کرتے ہیں، کلیسیا کے رہنماؤں سے ملاقات کرتے ہیں اور ایمان،

زندگی کے مقصد اور روحانی ترقی سے متعلق سوالات کے جوابات تلاش کرتے ہیں۔

اس پوری سیریز کے دوران، یہ نوجوان اپنے ذاتی تجربات بیان کرتے ہیں،

جن کے ذریعے وہ ہیکلوں کی اہمیت اور مقصد کے بارے میں اپنی سمجھ کو مزید گہرا کرتے ہیں اور یسوع مسیح پر اپنے ایمان کو مضبوط بناتے ہیں

پہلی قسط اب چرچ کے یوٹیوب چینل پر دستیاب ہے اور آنے والے دنوں میں اسے گوسپل لائبریری ایپ میں شامل کر دیا جائے گا۔

source :

LDSLiving

مزید جاننے کے لیے اپ یہ بھی دیکھ سکتے ہیں

وقف: کلیسیا یسوع مسیح برائے مقدسین آخری آیام کی نئی سیریز جس کو آپ مس نہیں کرنا چاہیں گے

جنرل کانفرنس کے لیے ٹیمپل اسکوائر عوام کے لیے کھول دیا گیا۔

SEE ALSO :

The post وہ خصوصي دعوت جو صدر اوکس نے جنرل کانفرنس کے اختتام پر دنیا بھر کے لوگوں کو دی۔ appeared first on morefaith.pk.

ہمارے نجات دہندہ، یِسُوع مسِیح نے ہمیں سِکھایا ہے کہ وہ ہی واحد راستہ ہے۔

خُدا اور اُس کے بیٹے یِسُوع مسِیح کے امرِ اِلہٰی پر اپنے اِیمان کو پروان چڑھانے پر توجہ مرکُوز کریں۔

The post یِسُوع مسِیح کی اِنجِیل سب کے لِیے ہے۔ appeared first on morefaith.pk.

میرا ماننا ہے کہ واپس آنے والے مشنری کی مدد کرنے کے بہترین طریقوں میں سے ایک یہ ہے کہ آپ انہیں اپنے ساتھ کچھ وقت اکیلے گزارنے کی دعوت دیں۔

اپنے مشن کے دوران، مشنری یہ سیکھتے ہیں کہ لوگوں کے ساتھ کیسے تعلق قائم کیا جائے،

الہام سے بھرپور سوالات کیسے پوچھے جائیں، اور خلوص کے ساتھ دوسروں کی بات کیسے سنی جائے۔

یہی مہارتیں ان کی زندگی کے اگلے مرحلے کا آغاز کرتے وقت ان کے لیے بے حد قیمتی ثابت ہو سکتی ہیں۔

  برازیل میں خدمت انجام دینے کے دوران، میں اور میری بیوی باری باری ہر زون کانفرنس کے اختتام پر مختصر اسباق شیئر کرتے تھے جنہیں ہم

Dicas de Vida

کہتے تھے—یہ پرتگالی زبان کا لفظ ہے جس کا مطلب ہے ۔زندگی کے مشورے ان مختصر اسباق میں

مختلف موضوعات کا احاطہ کیا جاتا تھا، جن میں ڈیٹنگ، والدین کی ذمہ داریاں،

ذہنی صحت مالیات، قیادت، اور لوگوں سے روابط قائم کرنا

شامل تھے۔ مشنریز کو یہ چھوٹی تربیتیں بہت پسند آئیں اور وہ ہمیشہ مزید سیکھنے کے مشتاق رہتے تھے۔

میں سے ایک "10 انٹرویوز کا چیلنج” تھا۔ ہم اپنے مبشرین کی گھر واپسی پر انہیں اس بات کی ترغیب دیتے تھے

کہ وہ ایسے 10 افراد کی فہرست بنائیں جنہیں وہ سراہتے ہوں—

بشمول ہر اس شخص کے جس کا کام یا زندگی کا سفر انہیں متاثر کرتا ہو۔ اپنے والدین، چرچ کے رہنماؤں اور اساتذہ

کی مدد سے، وہ ان میں سے ہر فرد سے رابطہ کر سکتے تھے اور پوچھ سکتے تھے

کہ کیا وہ دوپہر کے کھانے پر یا ایک مختصر گفتگو کے دوران اپنی کہانی شیئر کرنے کے لیے تیار ہیں۔

یہ ملازمت کے انٹرویوز نہیں ہیں، اور واپس آنے والے مشنری کو کسی کو متاثر کرنے کی ضرورت بھی نہیں ہے۔

ان کی واحد ذمہ داری یہ ہے کہ وہ تجسس کے ساتھ سوال کریں اور سیکھیں۔

جب آپ اپنے مشن سے واپس آنے والے مشنری کی مدد کر رہے ہوں،

تو آپ انہیں “10 انٹرویو چیلنج” کرنے کی ترغیب دے سکتے ہیں۔ چند بامقصد اور سوچ سمجھ

کر کی جانے والی گفتگوئیں انہیں اپنے سامنے موجود نئے امکانات کو دیکھنے میں مدد دے سکتی ہیں۔

اگر 10 انٹرویوز کرنا انہیں ایک بہت بڑا اور مشکل کام محسوس ہو، تو آپ ان کی حوصلہ افزائی کر سکتے ہیں

کہ وہ صرف ایک انٹرویو سے آغاز کریں اور اس چھوٹی سی کامیابی کو بھی خوشی سے منائیں۔

SOURCE :

LDSLiving

مزید جاننے کے لیے اب یہ بھی دیکھ سکتے ہیں

واپس آنے والے مشنریوں کے غیر فعال ہونے کی 5 وجوہات

ایسی آزمائشوں کا سامنا کیسے کریں جو ختم ہونے کا نام نہ لیں؟

See also :

The post ایک سابقہ مشن صدر واپس آنے والے مشنریوں کی مدد کرنے کا ایک بہترین طریقہ بتاتے ہیں۔ appeared first on morefaith.pk.

اور روح القدس ہمیشہ ہماری رہنمائی کرنے اور صحیح وقت پر صحیح فیصلے کرنے میں ہماری مدد کے لیے موجود رہتا ہے۔

چرچ کے ایک نوجوان لڑکے اور لڑکیوں کے پروگرام میں جب میں نے شرکت کی

تھی۔ اُس وقت میری زندگی میں حالات زیادہ اچھے نہیں تھے اور مَیں کچھ مشکلات سے گزررہی تھی،

لیکن کسی طرح مَیں نے اپنے بہن بھائیوں اور اپنی برانچ کے نوجوانوں کے ساتھ اس کانفرنس میں شرکت کرنے کا فیصلہ کیا۔

وہاں ہمیں نام کے بیجز دیے گئے، اور جس لمحے مَیں نے اپنا بیج لگایا، مجھے احساس ہوا کہ مَیں بھی ایسا ہی نام کا بیج پہننا چاہتی ہوں۔

مَیں مشن پر خدمت کرنا اور دوسروں کو مسیح کے پاس آنے میں مدد کرنا چاہتی تھی

جب مَیں گھر واپس ائی تو کچھ عرصے کے لیے مَیں اس بات کو تقریباً بھول گیا۔ لیکن اپنے سیمینری ٹیچر اور برانچ پریزیڈنسی

کی مدد سے مَیں نے اپنے مشن کے کاغذات مکمل کرنا شروع کیے، اور اس پورے سفر میں مَیں نے بے شمار برکات دیکھیں۔

میرے مشن نے مجھے ایسے طریقوں سے بدل دیا جن کا مَیں نے کبھی تصور بھی نہیں کیا تھا۔

مَیں جس شخص سے بھی ملی اور جسے بھی تعلیم دی، اور جب بھی کسی نے ایمان کا پہلا قدم اٹھاتے ہوئے بپتسمہ لینے کا فیصلہ کیا،

تو اس سے میرے اندر مزید مضبوطی پیدا ہوتی، اپنے آپ پر غور کرنے اور اپنے عہود کے مطابق زیادہ وفاداری سے زندگی گزارنے کی خواہش بھی پیدا ہوئی۔

میرے پسندیدہ لمحات میں سے کچھ وہ تھے جب مَیں اسباق کا ترجمہ کرتی تھی ۔ اپنی زبان میں انجیل کی تعلیم دیتے ہوئے

مَیں روح القدس کو بہت شدت سے محسوس کرتی تھی ۔ ہر زون کانفرنس اور کلیسیا کے کسی راہنما کا ہر دورہ میرے ایمان کو مزید مضبوط کرتا تھا۔

میرے مشن نے مجھے اپنی زندگی کے چند نہایت مقدس تجربات بھی عطا کیے۔

مَیں ہیکل گئی

اپنی دادی/نانی کے لیے بپتسمہ لیا، اور اپنے پہلے علاقے میں اپنی پَیٹریارکل برکت حاصل کی۔

یہ ایسے تجربات ہیں جنہیں مَیں اپنی پوری زندگی عزیز رکھوں  گی۔

انگلینڈ میں گزارے گئے وقت اور وہاں ملنے والے لوگوں نے مجھے سکھایا کہ خاندان کا حقیقی مطلب کیا ہے، کسی خاندان کا حصہ کیسے بنا جاتا ہے،

اور مل کر کیسے ترقی کی جاتی ہے۔ مَیں جس شخص سے بھی ملی،

اُس نے مجھے کسی نہ کسی طرح متاثر کیا، اور میرے مشن پریزیڈنٹس،

مَیالز، نے مجھے محبت اور ترقی کے بارے میں بہت کچھ سکھایا۔

مجھے گھر واپس آئے اب دس مہینے ہو چکے ہیں، لیکن میرا دل اب بھی واپس جا کر لوگوں کو تعلیم دیتے رہنے کی خواہش رکھتا ہے۔

مَیں اس بات سے فکرمند تھی کیونکہ مَیں مشنری کے طور پر خدمت جاری رکھنا چاہتی تھی ،

لیکن آسمانی باپ ہمیں اُس سے بھی بہتر جانتا ہے جتنا ہم خود کو جانتے ہیں،

اور وہ ہمیشہ جانتا ہے کہ ہمارے لیے کیا بہتر ہے۔ اب مجھے برانچ مشنری کے طور پر بلایا گیا ہے،

اور مَیں بہت شکر گزار ہوں کہ مَیں اُس کی اور اُس کے بچوں کی خدمت جاری رکھ سکتی ہوں ۔

مَیں یوحنا 14:18 کے ساتھ اپنی بات ختم کرنا چاہتی ہوں:

’’مَیں تمہیں یتیم نہ چھوڑوں گا، مَیں تمہارے پاس آؤں گا۔‘‘

مَیں  جانتی ہوں کہ یسوع مسیح ہمیں کبھی تنہا نہیں چھوڑتا۔ وہ ہم سے ہماری سمجھ سے کہیں زیادہ محبت کرتا ہے،

اور اُس نے گتسمنی کے باغ میں ہماری خاطر ہر درد اور ہر مصیبت کو برداشت کیا۔ اُس کی بدولت مَیں ایمان رکھ سکتی ہوں

اپنے ہر قدم میں اُس پر بھروسا کر سکتی ہوں، اور جان سکتا ہوں کہ وہ مجھے کبھی مایوس نہیں کرے گا۔

مَیں اپنے مشن، وہاں ملنے والے لوگوں، اُن تجربات جنہوں نے مجھے بدل دیا، اور سب سے بڑھ کر یسوع مسیح اور اُس کی محبت کے لیے ہمیشہ شکر گزار رہوں گی ۔

اور یہ باتیں مَیں یسوع مسیح کے نام میں کہتی ہوں۔ آمین۔

FAQ :

 مشنری خدمت لوگوں کی کیسے مدد کرتا ہے؟

مشنری خدمت لوگوں کو یسوع مسیح کی تعلیمات سیکھنے، خدا کے قریب آنے، اپنی زندگی میں امید اور سکون حاصل کرنے، اور انجیل کے مطابق بہتر زندگی گزارنے میں مدد کرتا ہے۔

 مشنری خدمت کون کر سکتا ہے؟

مشنرخدمت ہر وہ شخص کر سکتا ہے جو یسوع مسیح کی انجیل دوسروں کے ساتھ بانٹنا اور محبت و خدمت کے ذریعے لوگوں کی مدد کرنا چاہتا ہے۔ چرچ کے کل وقتی مشنریوں کے علاوہ عام اراکین بھی روزمرہ زندگی میں مشنری کام کر سکتے ہیں۔

 مشنری کام کا بنیادی مقصد کیا ہے؟

مشنری کام کا بنیادی مقصد لوگوں کو یسوع مسیح کے پاس آنے، اُس کی انجیل سیکھنے، اُس پر ایمان رکھنے، اور اُس کی پیروی کرنے میں مدد دینا ہے۔

مزید جاننے کے لیے آپ یہ بھی دیکھ سکتےہیں

ہم اُن برکتوں کو کیسے پہچان سکتے ہیں جو خدا کی بلاہٹ پر عمل کرنے سے حاصل ہوتی ہیں؟

میں نے اپنی مشنری خدمت سے کون سے اہم اسباق سیکھے ہیں؟

See Also :

The post وہ انتخاب جس نے مجھے مسیح کے قریب کر دیا۔ appeared first on morefaith.pk.

کیا آپ نے کبھی ایسا محسوس کیا ہے کہ جنرل کانفرنس اتنی تیزی سے گزر جاتی ہے کہ آپ کے دل میں یہ احساس رہ جاتا ہے

کہ کاش آپ ہر پیغام سے مزید برکات اور بصیرت حاصل کر سکتے؟ ہم سبھی کبھی نہ کبھی اس صورتحال سے گزرے ہیں۔

جنرل کانفرنس ایک بہترین موقع ہے کہ دنیا کے شور و غل کو تھام کر ذاتی الہام حاصل کیا جائے

اور اپنی روحانی توانائی کو تازگی دی جائے۔ تاہم، اس نشریات کے چند گھنٹوں سے واقعی اپنی روزمرہ زندگی

کو بدلنے کا راز صرف اس بات میں نہیں کہ مقررین کیا کہتے ہیں؛

بلکہ اس میں ہے کہ ہم خود کو جنرل کانفرنس کے لیے کیسے تیار کرتے ہیں۔

روحانی تیاری: رہنما ہمیں جنرل کانفرنس کے لیے تیاری کرنا کیسے سکھاتے ہیں

اسکرین آن کرنے سے پہلے، کچھ لمحے رک کر اس بات پر غور کرنا فائدہ مند ہے کہ ہمارے رہنماؤں نے اس خاص وقت کے بارے میں ہمیں پہلے ہی کیا سکھایا ہے۔

• صدر ڈیلن ایچ اوکس ہمیں مسلسل یاد دلاتے ہیں کہ جنرل کانفرنس کے یہ پیغامات ہماری روزمرہ زندگی
• کی مشکلات میں ہمارے لیے ایک زندہ رہنمائی ہیں۔ انہوں نے ایک ایسا خیال بیان کیا جو ہمیں ان تعلیمات پر عمل کرنے کی دعوت دیتا ہے

جب ہم اس کانفرنس کی تعلیمات کو اپنے دلوں میں محفوظ رکھتے اور ان پر عمل کرتے ہیں،

تو خداوند ذاتی مکاشفہ اور رہنمائی کے ذریعے ہمیں مسلسل تعلیم دیتا اور الہام بخشتا رہے گا۔

سننے کا مقصد صرف معلومات حاصل کرنا نہیں ہے؛ بلکہ یہ خداوند کے لیے ہمارے دلوں کے دروازے کھولنے کا ایک ذریعہ ہے،

تاکہ وہ پورے سال ہمیں مسلسل تعلیم اور رہنمائی دیتا رہے۔

• ایلڈر ڈیوڈ اے بیڈنار سکھاتے ہیں کہ جنرل کانفرنس کے دوران ہمیں محض خاموش تماشائی نہیں ہونا چاہیے،
• بلکہ ایسے لوگ بننا چاہیے جو سنی ہوئی تعلیمات پر عمل کرتے ہیں:

مکاشفہ حاصل کرنے کے عمل کے لیے سرگرم اور پُرجوش کوشش کی ضرورت ہوتی ہے، نہ کہ صرف غیر فعال شرکت کی۔

مؤثر طریقے سے عمل کرنے سے پہلے تیاری ضروری ہے، اور جنرل کانفرنس کی تیاری کا ایک خاص طریقہ یہ ہے

کہ جب ہم جنرل کانفرنس کے پیغامات سنیں تو ہمارے ذہن میں ایک یا چند سوالات موجود ہوں۔

ایلڈر بیڈ نار نوٹس لکھنے کے لیے ایک بہترین طریقہ بھی تجاویز کرتےہے ہر خطاب میں ہمیشہ ان تین چیزوں کو تلاش کریں

تعلیم .عمل کرنے کی دعوت اور وعدہ کی گئی برکات

1. جنرل کانفرنس کی تیاری کے عملی اقدامات

اپنے ویک اینڈ کے تجربے کو ایک منظم اور متاثر کن عمل میں بدلنے کے لیے، ان سادہ اقدامات پر غور کریں:

• کانفرنس سے چند دن پہلے اپنی نوٹ بک لے کر بیٹھیں اور جو کچھ آپ کے دل میں ہے اسے لکھیں۔
• یہ خاندان سے متعلق کسی فیصلے کے بارے میں سوال، کوئی ذاتی مشکل، یا صرف یہ جاننے کی خواہش ہو سکتی ہے
• کہ خداوند اس وقت آپ سے کیا چاہتا ہے۔
• میز کو تھوڑا سا صاف اور منظم کریں، فون کی غیر ضروری اطلاعات بند کر دیں،
• اور اپنی پسندیدہ ڈائری یا نوٹس لکھنے والی ایپ اپنے پاس رکھیں۔
• اچھی طرح آرام کریں
  یہ بات بہت سادہ لگتی ہے، لیکن کانفرنس سے پہلے رات کو اچھی نیند لینا بہت اہم ہے۔ اس سے ہمارا ذہن چوکنا رہتا ہے
• اور ہم روح القدس کی نرم سرگوشیوں کو بہتر طور پر محسوس کر سکتے ہیں۔
• اسے ایک خاندانی کوشش بنائیں (اپنی سہولت کے مطابق!)
• اگر گھر میں بچے یا نوجوان ہیں، تو انہیں بھی اس میں شامل ہونے کی دعوت دیں۔ رنگ بھرنے والے صفحات
• خطبات کے دوران اہم الفاظ کو تلاش کرنے والی فہرستیں، یا ایک خاص ڈائری کا اہتمام کریں جہاں وہ اپنے تاثرات لکھ سکیں۔

نشستوں کے بعد: سننے کے عمل کو عملی اقدام میں بدلنا

جنرل کانفرنس کا حقیقی اثر اُس وقت شروع ہوتا ہے جب نشریات ختم ہو جاتی ہیں اور ہم دوبارہ اپنی روزمرہ کی مصروفیات کی طرف لوٹتے ہیں۔

. اپنے نوٹس اطمینان سے پڑھیں
ہفتے کے دوران کسی وقت صرف دس منٹ نکالیں اور اُن خیالات، احساسات اور روحانی تاثرات پر دوبارہ غور کریں

جو کانفرنس سنتے ہوئے آپ نے محسوس کیے تھے۔

1. شروعات کے لیے صرف ایک چیز منتخب کریں
   ایک ہی وقت میں دس عادتیں بدلنے کی کوشش نہ کریں۔ کسی ایک خاص دعوت یا مقصد کا انتخاب کریں
2. جس نے آپ کے دل کو گہرائی سے چھوا ہو، اور پھر اسے اپنی زندگی میں عملی طور پر اپنانا شروع کریں۔
3. خطبات کی طرف دوبارہ لوٹیں
4. جب باضابطہ تحریر شائع ہو جائے، تو ان پیغامات کو دوبارہ پڑھیں جنہیں
5. آپ کو سننے کی سب سے زیادہ ضرورت تھی۔
6. ہر بار پڑھنے پر آپ کو نئی بصیرتیں حاصل ہوں گی۔

جنرل کانفرنس کی تیاری کرنا، بنیادی طور پر، محبت اور ایمان کا ایک عمل ہے۔

یہ خداوند سے یہ کہنے کا ہمارا طریقہ ہے: "میں یہاں ہوں، سننے کے لیے تیار ہوں۔

ایک ایسا تحفہ جو پورا سال قائم رہتا ہے

دن کے اختتام پر، جنرل کانفرنس صرف کیلنڈر پر متاثر کن خطبات سے بھرا ہوا ایک اور ویک اینڈ نہیں ہے؛

بلکہ یہ خداوند کی طرف سے آپ کے روحانی سفر میں ایک نئے باب کے آغاز کی ذاتی دعوت ہے۔

جب آپ سچے دل سے جنرل کانفرنس کی تیاری کے لیے وقت نکالتے ہیں،

نشستوں کے دوران مکمل توجہ قائم رکھتے ہیں،

اور کسی ایک چھوٹی سی بات پر بھی عمل کرنے کی کوشش کرتے ہیں،

تو آپ چند گھنٹوں کی اس نشریات کو آنے والے تمام دنوں کے لیے امن،

رہنمائی اور تسلی کے ایک لامتناہی سرچشمے میں بدل دیتے ہیں۔

تمام باتوں میں کامل ہونے یا ہر ایک نصیحت پر فوراً عمل کرنے کی پریشانی نہ لیں۔

خداوند ایمان کے ساتھ کی جانے والی آپ کی ہر چھوٹی سی کوشش کو دیکھتا ہے اور اس کی قدر کرتا ہے۔

اگر آپ سچے دل سے تیاری کرتے ہیں، تو یقین رکھیں کہ وہ آپ کی زندگی سے براہِ راست کلام کرنے کا راستہ ضرور نکالے گا۔

SOURCE :

Third Hour

مزید جاننے کے لیے آپ یہ بھی دیکھ سکتےہیں

جنرل کانفرنس کے لیے ٹیمپل اسکوائر عوام کے لیے کھول دیا گیا۔

SEE ALSO :

The post کیا آپ ’جنرل کانفرنس‘ کے لیے تیار ہیں؟ appeared first on morefaith.pk.

کئی دہائیوں سے ترکی میں موجود ایک چٹانی ساخت اُن لوگوں کی توجہ کا مرکز بنی ہوئی ہے

جو نوحؑ کی کشتی کے ممکنہ شواہد تلاش کر رہے ہیں۔

اب محققین کی ایک ٹیم اس کے اندرونی حصے میں موجود چیزوں کا جائزہ لے رہی ہے اور

امید کرتی ہے کہ نئے شواہد اس ساخت کی اصل کے بارے میں مزید روشنی ڈالیں گے۔

کوہِ ارارات کے قریب واقع دوروپینار نامی یہ ڈھانچہ تقریباً 150 سے 164 میٹر لمبا ہے

اور اس کی بناوٹ ایک کشتی سے ملتی جلتی ہے۔ اگرچہ کچھ محققین کا ماننا ہے کہ اس کا تعلق کشتیِ نوح کی مذہبی داستان سے ہو سکتا ہے،

تاہم اس نظریے کی تصدیق کے لیے ابھی تک کوئی حتمی سائنسی ثبوت موجود نہیں ہے۔

محققین کو زمین کے نیچے کیا ملا؟

امریکی محقق اینڈریو جونز کی قیادت میں ‘نوحز آرک سکینز نامی ٹیم نے اس ڈھانچے

کی زیرِ زمین سطح کا معائنہ کرنے کے لیے گراؤنڈ پینیٹریٹنگ ریڈار ٹیکنالوجی کا استعمال کیا ہے۔

ٹیم کی جانب سے جاری کیے گئے نتائج کے مطابق، اسکینز میں زیرِ زمین کچھ غیر معمولی ساختیں،

ممکنہ خالی جگہیں، اور ایسی ساختیں نظر آئیں جن میں سیدھی لکیریں اور واضح زاویے موجود تھے۔

ان نتائج کی بنیاد پر محققین کا کہنا ہے کہ

اس ساخت کا اندرونی حصہ پہلے کے خیال سے زیادہ پیچیدہ ہو سکتا ہے۔

جونز کا کہنا ہے کہ ان نتائج سے اس وضاحت پر سوال اٹھتا ہے کہ یہ ساخت محض چونے کے پتھر کا ایک بڑا حصہ ہے،

جو کٹاؤ کے باعث موجودہ شکل میں آیا ہے۔

تاہم، یہ نتائج اس ٹیم کی طرف سے سامنے آئے ہیں جو اس ممکنہ دریافت کی تحقیقات کر رہی ہے،

اور آزادانہ سائنسی مطالعوں کے ذریعے ابھی ان کا تجزیہ ہونا باقی ہے۔

محققین نے مٹی کی ساخت میں بھی فرق کی نشاندہی کی ہے

ان کے تجزیے کے مطابق، کیمیائی ترکیب میں تبدیلیوں کے علاوہ،

اندرونی حصے کے کچھ نمونوں میں ارد گرد کے علاقوں کے مقابلے میں زیادہ نامیاتی مادّہ

پایا گیا ہے 

ٹیم کا خیال ہے کہ یہ نتائج قدیم نامیاتی مادے کی باقیات کے ساتھ مطابقت رکھتے ہیں۔ تاہم،

صرف نامیاتی مادے کی موجودگی اس بات کا ثبوت نہیں کہ یہ کسی کشتی کی لکڑی ہے یا اس کا تعلق نوحؑ کی کشتی سے ہے۔

بائبل میں بیان کردہ کشتی کی پیمائش سے اس کا کیا تعلق ہے؟

محققین کے لیے سب سے زیادہ دلچسپی کا باعث بننے والے پہلوؤں میں سے ایک اس ساخت کا حجم ہے۔

اس کی لمبائی پیدائش 6:15 میں بیان کیے گئے 300 ہاتھ کے قریب ہے، جہاں

خدا نے نوحؑ کو کشتی کے مطلوبہ طول و عرض کے بارے میں ہدایات دیں۔

بائبل کی اس عبارت میں ایک ایسی کشتی کا ذکر ہے جس کی لمبائی 300 ہاتھ،

چوڑائی 50 ہاتھ اور اونچائی 30 ہاتھ تھی۔ مزید برآں، پیدائش 6:16 میں ذکر ہے کہ اس میں تین منزلیں ہونی تھیں۔

اس منصوبے کے بعض ارکان نے اسکینز میں نظر آنے والی جن ساختوں کی تشریح کی ہے،

انہیں بائبل کے اس بیان میں دی گئی خصوصیات سے جوڑا ہے۔ تاہم،

صرف یہ حقیقت کہ کسی ساخت کے طول و عرض یا خصوصیات صحائف میں بیان کردہ تفصیل سے مشابہت رکھتے ہیں،

اس بات کے لیے کافی نہیں کہ اسے نوحؑ کی کشتی قرار دیا جائے۔

اس تعلق کو ثابت کرنے کے لیے آثارِ قدیمہ اور ارضیاتی شواہد کی ضرورت ہوگی تاکہ یہ طے کیا جا سکے

کہ یہ ڈھانچہ دراصل کیا ہے، یہ کیسے بنا، اور اس کا تعلق کس دور سے ہے۔

دہائیوں پہلے شروع ہونے والی تحقیق

اس علاقے میں دلچسپی نئی نہیں ہے۔ 1959 میں، ترکی کے کپتان الہان دوروپینار

نے اس خطے کی نقشہ سازی کے لیے استعمال ہونے والی فضائی تصویروں کے معائنے کے دوران اس ڈھانچے کی نشاندہی کی تھی۔

تب سے، اس کے عجیب و غریب خاکے نے نوح کی داستان کے ساتھ اس کے ممکنہ تعلق کے بارے میں مختلف نظریات کو جنم دیا ہے۔

گزشتہ چند سالوں کے دوران، تلاش کنندگان اور محققین نے اس جگہ کی اصل حقیقت کو سامنے لانے والے شواہد کی تلاش میں اس مقام کا دورہ کیا ہے۔

اب نوح کی کشتی کے اسکینز کی ٹیم کا دعویٰ ہے کہ جدید ٹیکنالوجی اور حال ہی میں حاصل کیے گئے

نمونے ان سوالات کے جوابات تلاش کرنے میں مدد دے سکتے ہیں جو ابھی تک حل طلب ہیں۔

اینڈریو جونز نے اس یقین کا اظہار کیا ہے کہ اس ڈھانچے میں کشتی کے بقایا جات موجود ہیں۔ تاہم،

یہ موقف سائنسی برادری کے درمیان اتفاقِ رائے کی نمائندگی نہیں کرتا۔ ماہرینِ ارضیات اور آثارِ قدیمہ کے ہاں

سب سے زیادہ مقبول وضاحت یہ ہے کہ دوروپینار ایک قدرتی ڈھانچہ ہے، اگرچہ اس کی خصوصیات پر تحقیقات ابھی بھی جاری ہیں۔

دریافت کی تصدیق کے لیے کس چیز کی ضرورت ہے؟

سائنس دان چٹان میں سوراخ کر کے اور اس کے اندرونی حصے سے حاصل کردہ نمونوں کا مطالعہ کر کے

اپنی تحقیقات کو مزید آگے بڑھانے کی کوشش کر رہے ہیں۔ ٹیم کے جاری کردہ بیانات کے مطابق،

وہ ان مواد کی ترکیب اور ممکنہ عمر کا تعین کرنے کے لیے ایک لیبارٹری میں ان کا معائنہ کرنے کی توقع رکھتے ہیں۔

یہ نتائج اس ڈھانچے اور اس کی تشکیل سے متعلق معلومات فراہم کر سکتے ہیں، لیکن یہ ثابت کرنا ابھی باقی ہے

کہ آیا یہاں انسان کی بنائی ہوئی ساختوں کے شواہد موجود ہیں اور کیا اس کا تعلق بائبل کی روایت سے جوڑا جا سکتا ہے۔

فی الحال، دوروپینار کے اس ڈھانچے میں سائنسی طور پر کشتیِ نوح کی شناخت نہیں ہو سکی ہے۔

اس کی ممکنہ دریافت کے بارے میں کیے جانے والے دعووں کو محض ایک مفروضہ سمجھا جانا چاہیے جس کے لیے مزید شواہد کی ضرورت ہے۔

ان لوگوں کے لیے جو نوح کے واقعے پر ایمان رکھتے ہیں، یہ تحقیق ایمان اور سائنسی دریافتوں کے درمیان تعلق کے بارے میں سوالات اٹھا سکتی ہے۔

تاہم، مقدس صحائف (مذہبی کتابوں) کی اہمیت اس بات پر منحصر نہیں ہے

کہ آیا ہر مذہبی روایت کی تصدیق کسی آثارِ قدیمہ کی دریافت سے ہوتی ہے یا نہیں۔

خدا اور اس کے کلام پر ایمان، ہمارے ارد گرد کی دنیا کو سمجھنے

اور اس کی تحقیقات کرنے میں دلچسپی کے ساتھ ساتھ قائم رہ سکتا ہے

۔ جب کہ ترکی میں مطالعے جاری ہیں، اس ڈھانچے کے ممکنہ ماخذ کے بارے میں کسی بھی

نتیجہ پر پہنچنے سے پہلے تجزیوں کے نتائج کا انتظار کرنا ضروری ہوگا۔

Source :

LA Nacion

SEE ALSO :

The post نئی تحقیق میں نوحؑ کی کشتی کے ممکنہ شواہد سامنے آئے ہیں۔ appeared first on morefaith.pk.

جب میں چھوٹی تھی تو داؤد کی کہانی نے مجھے بہت سے طریقوں سے متاثر کیا،

خاص طور پر جب میں نے سیکھا کہ خداوند نے داؤد کو اپنے دل کے موافق شخص قرار دیا تھا۔

داؤد نے اپنی پوری طاقت اور صلاحیت کے ساتھ خداوند کی خدمت کی۔ اُس کی مثال نے مجھے بھی یہ خواہش دی کہ میں ایسی شخصیت بنوں

جس سے خدا محبت کرےایسی انسان جو اُس کی پیروی کرنے کی کوشش کرے، اُسے خوشی پہنچائے اور دوسروں کے لیے ایک اچھی مثال بن سکے۔

جیسا کہ میں نے پہلے بھی ذکر کیا، داؤد کی جس بات نے مجھے سب سے زیادہ متاثر کیا وہ خداوند کی خدمت کرنے کے لیے اُس کی آمادگی تھی۔

بہت چھوٹی عمر ہی سے میرے دل میں بھی خداوند کی خدمت کرنے کی ایک مضبوط خواہش پیدا ہوئی،

کیونکہ میں جانتی تھی کہ خداوند ہم سے محبت کرتا ہے اور ہمیں برکتیں دیتا ہے۔

لیکن میں اکثر سوچتی تھی ، میں اُس کی خدمت کیسے کر سکتی ہوں ؟

میری پرورش ایک کیتھولک خاندان میں ہوئی، اور بچپن ہی سے میں دوسروں کی مدد اور خدمت کرنے کے مواقع تلاش کرتی تھی ۔

بعد میں، جب میرا خاندان کلیسیا میں شامل ہوا اور میں نے مشنری خدمت کے بارے میں سیکھا،

تو مجھے محسوس ہوا کہ خداوند شروع ہی سے مجھے اس کے لیے تیار کر رہا تھا۔

وہ میرے دل کی خواہشات کو جانتا تھا اور مجھے خدمت کرنے کے ایک خاص موقع کی طرف رہنمائی کر رہا تھا۔

چار سال تک انتظار کرنے، دعا کرنے، صبر رکھنے اور اپنے عزم پر قائم رہنے کے بعد،

آخرکار مجھے میری مشنری خدمت کی کال موصول ہوئی۔ مجھے فلپائنز کوئزون سٹی نارتھ مشن میں خدمت کرنے کا شاندار موقع ملا۔

اس تجربے نے میری زندگی کو بہت سے طریقوں سے بدل دیا۔ میں نے بہت کچھ سیکھا،

اور خداوند کے تاگستان کے باغ میں خدمت کرتے اور سیکھتے ہوئے، میں نے ایک گہری اور دیرپا خوشی محسوس کی۔

ہم میں سے ہر ایک کو یہ موقع حاصل ہے کہ ہم یسوع مسیح کی مثال پر چلتے ہوئے اور اپنی روزمرہ زندگی میں ،

محبت اور مہربانی کا اظہار کرتے ہوئے خدا کے لیے اپنی محبت ظاہر کریں۔

میں جانتی ہوں کہ خداوند ہم میں سے ہر ایک کو برکت دینا چاہتا ہے۔ اُس کی برکتیں ابدی ہیں

اور آزادانہ طور پر عطا کی جاتی ہیں۔ ہمارے لیے اُس کی شفقت غیر مشروط ہے، اور اُس کی الٰہی رحمت ہمیشہ قائم رہتی ہے۔

میں گواہی دیتی ہوں

کہ یسوع مسیح قادرِ مطلق خدا کے فرمانبردار بیٹے ہیں۔

اُن کا کفارہ تمام بنی نوع انسان کے لیے اُن کی لازوال محبت کا سب سے عظیم اظہار ہے۔

میں جانتی ہوں کہ روح ہمیں راہ دکھاتا ، ہماری حفاظت کرتا اور مقدس مقامات پر قائم رہنے

اور اپنے ایمان میں مضبوطی سے ثابت قدم رہنے میں ہماری مدد کرتا ہے۔

میں پختہ یقین رکھتی ہوں کہ ہیکل مقدس مقامات ہیں جہاں ہم خدا کے ساتھ عہود باندھتے ہیں،

اور ان عہود کو وفاداری سے نبھانا ہماری مقدس ذمہ داری ہے۔

میں جانتا ہوں کہ یہ کلیسیا زمین پر خدا کی بادشاہی ہے، اور جو اصول ہم یہاں سیکھتے ہیں

وہ ہر روز ہمیں ایک بہتر انسان بننے میں مدد دیتے ہیں۔

FAQ :

 مشنری خدمت لوگوں کی کیسے مدد کرتا ہے؟

مشنری خدمت لوگوں کو یسوع مسیح کی تعلیمات سیکھنے، خدا کے قریب آنے، اپنی زندگی میں امید اور سکون حاصل کرنے، اور انجیل کے مطابق بہتر زندگی گزارنے میں مدد کرتا ہے۔

 مشنری خدمت کون کر سکتا ہے؟

مشنرخدمت ہر وہ شخص کر سکتا ہے جو یسوع مسیح کی انجیل دوسروں کے ساتھ بانٹنا اور محبت و خدمت کے ذریعے لوگوں کی مدد کرنا چاہتا ہے۔ چرچ کے کل وقتی مشنریوں کے علاوہ عام اراکین بھی روزمرہ زندگی میں مشنری کام کر سکتے ہیں۔

 مشنری کام کا بنیادی مقصد کیا ہے؟

مشنری کام کا بنیادی مقصد لوگوں کو یسوع مسیح کے پاس آنے، اُس کی انجیل سیکھنے، اُس پر ایمان رکھنے، اور اُس کی پیروی کرنے میں مدد دینا ہے۔

مزید جاننے کے لیے آپ یہ بھی دیکھ سکتےہیں

میں نے اپنی مشنری خدمت سے کون سے اہم اسباق سیکھے ہیں؟

مشنری خدمت نے مجھے روحانی، جذباتی اور ذاتی طور پر ترقی کرنے میں کس طرح مدد کی ہے؟

see also :

The post ہم اُن برکتوں کو کیسے پہچان سکتے ہیں جو خدا کی بلاہٹ پر عمل کرنے سے حاصل ہوتی ہیں؟ appeared first on morefaith.pk.

سالٹ لیک سٹی، یوٹاہ میں نارتھ ہیکل اسٹریٹ اب تعمیراتی رکاوٹوں سے پاک ہے،

تزئین و آرائش اپنے اختتامی مرحلے میں پہنچ گئی

ٹمپل اسکوائر، اسٹیٹ اسٹریٹ سے لے کر ویسٹ ہیکل تک،

کلیسیا یسوع مسیح برائے مقدسین آخری آیام کی آنے والی جنرل کانفرنس کے لیے عام عوام کے لیے کھلا رہے گا۔

آنے والے زائرین اس کے احاطے میں پیدل چل سکتے ہیں اور خوبصورت مناظر اور مجسموں کو سراہ سکتے ہیں۔

 “یسوع مسیح مریم اور مرتھا کے ساتھ” کا مجسمہ منگل، 15 ستمبر 2026 کو نصب کیا گیا۔

یہ ٹیمپل اسکوائر میں نصب کیے جانے والے دیگر 10 نئے مجسموں میں شامل ہو گیا ہے۔

ایک اور مجسمہ — “یسوع مسیح بچوں کو برکت دیتے ہوئے” — بعد میں نصب کیا جائے گا، جس کے بعد مجسموں کی مجموعی تعداد 12 ہو جائے گی۔2

جنرل کانفرنس

سب کو دعوت دی جاتی ہے کہ وہ 3–4 اکتوبر 2026 کو یسوع مسیح کی کلیسیا برائے مقدسینِ آخری ایام کی

196

ویں ششماہی جنرل کانفرنس

میں شرکت کریں یا اسے [دیکھیں]۔ کلیسیا کے رہنما یسوع مسیح کی تعلیم دیں گے اور ہمارے زمانے کے لیے الہامی پیغامات پیش کریں گے۔

موسیقی کی پیشکشیں [ٹیمپل اسکوائر کے ٹیبیرنیکل کوائر اور آرکسٹرا] کی جانب سے تین اجلاسوں میں

جبکہ ایک اجلاس میں قریبی علاقے کے ایک خصوصی کوائر کی جانب سے ہوں گی۔

کانفرنس سینٹر میں ذاتی طور پر شرکت کرنے کے لیے مہمانوں کے پاس ٹکٹ ہونا ضروری ہے۔

اضافی نشستوں کے لیے، نیز کانفرنس سینٹر میں ممکنہ نشستوں کے لیے، ٹیمپل اسکوائر کے ٹیبیرنیکل کے باہر انتظار کرنے والوں کے لیے ایک الگ قطار دستیاب ہوگی۔

سالٹ لیک ہیکل کی تقریب

سالٹ لیک ہیکل کی تقریبات کے لیے تیاریاں زور پکڑ رہی ہیں؛ یہ تقریبات 5 اپریل سے یکم اکتوبر 2027 تک منعقد ہوں گی۔

‘اوپن ہاؤس’ (عوامی دورے) کے لیے ٹکٹوں کی بکنگ مرحلہ وار جاری کی جا رہی ہے، اور ٹکٹوں کا اگلا سلسلہ جمعرات، یکم اکتوبر 2026 کو شام 6 بجے (ایم ڈی ٹی) دستیاب ہوگا۔

اس تاریخی چھ ماہ کی تقریب کے دوران، زائرین کو دعوت دی جاتی ہے

کہ وہ یسوع مسیح کی تعلیمات، اُس کی انجیل اور خدا کے اپنے بچوں کے لیے منصوبے میں اُس کے کردار کے بارے میں سیکھ کر مسیح میں شادمان ہوں

سالٹ لیک ہیکل کی تقریب کی کمیٹی کے چیئرمین اور بارہ رسولوں کی جماعت کے رکن، صدر

ڈئیٹر ایف اُکڈورف نے کہا،

یسوع مسیح کی کلیسیا برائے مقدسینِ آخری آیام ایک عالمی کلیسیا ہے، جس کا پیغام یسوع مسیح کے بارے میں عالمگیر ہے، اور ہم اس میں شادمان ہوتے ہیں

Source :

church News

مزید جاننے کے لیے آپ یہ بھی دیکھ سکتےہیں

وقف: کلیسیا یسوع مسیح برائے مقدسین آخری آیام کی نئی سیریز جس کو آپ مس نہیں کرنا چاہیں گے

چرچ یکم ستمبر کو سالٹ لیک ہیکل کی تقریب کی براہِ راست نشریات کی تفصیلات نشر کرے گا۔

The post جنرل کانفرنس کے لیے ٹیمپل اسکوائر عوام کے لیے کھول دیا گیا۔ appeared first on morefaith.pk.